La Partida populara svizra pretenda mesiras en vista a las dumondas d'asil che creschan. La Svizra stoppia trametter enavos tant pli spert requirents d'asil, sche quels arrivian da stadis terzs segirs sco p.ex. la Germania.
Il Cussegl federal stoppia finalmain agir, ha ditg il vicepresident da la PPS, Christoph Blocher, davant las medias a Berna.
Gia en la sessiun d'atun aveva la PPS pretendì ch'il Cussegl federal fetschia diever d'ina clausula d'urgenza ed ordineschia in moratori d'asil.
La partida pretenda plinavant ina controlla sistematica dals cunfins - sche necessari er cun agid da l'armada.