Legenda:
Il bastiment a vapur «Unterwalden», in dals bastiments involvids en l’accident.
Keystone/archiv
cuntegn
Svizra - Lai dals Quatter Chantuns: Dus bastiments a vapur èn collidads
Sin il Lai dals Quatter Chantuns èn dus bastiments a vapur collidads oz suentermezdi. Ils passagiers sin ils bastiments na sajan betg vegnids blessads, ha communitgà la polizia.
Daco ch’ils dus bastiments «Unterwalden» e «Schiller» èn collidads in cun l’auter n’è betg anc cler, era betg la summa dals donns. Ils dus bastiments ch’èn pli che 100 onns vegls han pudì turnar senza agid a Lucerna. Ils passagiers da la Schiller han dentant stuì midar sin in auter bastiment.
