Legenda:
Christian Levrat vul bloccar ils daners da coesiun per l'Ungaria.
Keystone
cuntegn
Svizra - Levrat pretenda dapli squitsch sin l’Ungaria
Il president dals socialdemocrats Christian Levrat pretenda che la Svizra fetschia dapli squitsch sin l'Ungaria. Pervi da la situaziun dals dretgs umans e la moda e maniera dad ir enturn cun fugitivs duaja vegnir scumandà al president Victor Orban d'entrar en Svizra.
Plinavant duain ils pajaments da coesiun al pajais vegnir stritgads, uschia Levrat envers il «Sonntagsblick». Uschè ditg che Orban na sa tegnia betg vid ils dretgs umans duaja la Svizra bloccar ils daners per l'Ungaria. Quests daners pudessian enstagl vegnir duvrads per segirar las rutas da fugitivs, propona Levrat.
