Siglir tar il cuntegn
Las bandieras da la Corazia e l'Uniun europeica.
Legenda: La libra circulaziun da persunas vala uss er tranter la Svizra e la Croazia. Reuters

Svizra Libra circulaziun da persunas cun la Croazia

Il Cussegl naziunal ha ditg gea a la libra circulaziun da persunas cun la Croazia e approvà il protocol supplementar ch’il Cussegl federal aveva gia suttascrit. La partida populara era cunter la decisiun.

En vista a las discussiuns davart la realisaziun da l’iniziativa d’immigraziun da massas ha il Cussegl naziunal fatg oz in ulteriur pass per extender la cunvegna da libra circulaziun sin il pli giuven commember a l’Uniun europeica sin la Croazia. La decisiun è crudada cun 122 cunter 64 vuschs e ina abstenziun.

Dapi che l'iniziativa d'immigraziun da massa è vegnida approvada scumonda la constituziun novs contracts da dretg internaziunal che na lubeschan betg ina regulaziun da l'immigraziun. Perquai han las duas chombras il prim dispità, schebain la permissiun per la ratificaziun saja insumma legala.

A moda positiva reagì sin la decisiun da Genevra ha il cusseglier federal e minster da l'exteriur Didier Burkhalter. En Svizra regia la libertad d'opiniuns ha el ditg al ur d'ina sentupada cun l'UE a Brüssel.

RR novitads 17:00

Artitgels legids il pli savens