Siglir tar il cuntegn

Header

Navigaziun

cuntegn

Svizra Svizra lubescha dronas per squittar pesticids

Sco emprim pajais en l'Europa pon ins en Svizra nizzegiar dronas per squittar pesticids. Las dronas sajan ina bun'alternativa als sgols da helicopter. Tar quella conclusiun vegn l'institut da perscrutaziun Agroscope ensemen cun plirs posts da la Confederaziun.

Drona per sbrinzlar.
Legenda: Keystone

Cun ina drona pon ins squittar da pli datiers, pli precis e per part automaticamain. Vinavant èn ellas pli quietas ch'il helicopter e pli paucs pesticids vegnan suflads davent dal vent.

Per pudair squittar cun ina drona sto quella savair sgular ina ruta programmada senza sviar pli che 50 centimeters. Vinavant ston ins resguardar prescripziuns per la segirezza da sgol e la drona sto vegnir controllada mintga trais onns.

RR novitads 14:00