Requirents d'asil da l'Eritrea na duajan betg pli vegnir renconuschids sco fugitivs en Svizra. Quai pretenda la regenza dal chantun Lucerna en ina brev a la presidenta dal Cussegl federal Simonetta Sommaruga.
Il dumber da requirents che crescha mettia en privel l'acceptanza da l'alloschi da requirents scriva la regenza lucernaisa. In grond problem sajan cunzunt ils requirents ord l'Eritrea che fugian en Svizra pervi da la mala situaziun economica ed il servetsch militar ch'els stoppian far. Tenor la regenza da Lucerna na sajan quai nagins motivs per obtegnair asil en Svizra.
