Siglir tar il cuntegn
Persunas da l’exteriur ch’han commess in tschert delict e ch’èn vegnidas sentenziadas per quel, duain vegnir repatriadas pretenda l’iniziativa da la PPS.
Legenda: Persunas estras ch’han commess in tschert delict, duain vegnir repatriadas, pretenda l’iniziativa da la PPS. Keystone

Svizra Maioritad cunter iniziativa per il repatriament effectiv

La gronda maioritad dal Cussegl dals chantuns s'engascha en il cumbat cunter l'iniziativa per il repatriament effectiv da la PPS. Quai scriva la gasetta NZZ am Sonntag e sa basa sin ina decleranza ch'è suttascritta da 40 dals 46 commembers da la chombra pitschna.

L'iniziativa che pretenda l'expulsiun automatica da persunas estras sentenziadas tar in entir catalog da delicts, violeschia principis giuridics fundamentals, la convenziun dals dretgs umans e la cunvegna per la libra circulaziun da persunas. Uschia statti scrit en la decleranza ch'enumerescha ina entira retscha d'arguments cunter l'iniziativa. Il suveran svizzer votescha ils 28 da favrer davart l’iniziativa da la PPS.

RR novitads 10:00

Artitgels legids il pli savens