La cussegliera federala Elisabeth Baume-Schneider ha tschernì Marcel Suter sco vicedirectur dal Secretariat dal stadi per migraziun. El surpiglia la nova partiziun dals centers d'asil da la Confederaziun. Il medem mument è era Regula Mader da Berna vegnida numnada sco nova scheffa da la partiziun immigraziun ed integraziun. Quai scriva il secretariat sin sia pagina d'internet.
Marcel Suter è stà 11 onns manader da l'Uffizi da migraziun en il Grischun. Sia plazza ha el dentant dà giu per immediat ils 13-12-2022 sin giavisch dal cusseglier guvernativ Peter Peyer, ses superiur.
audio
Per tadlar: las novitads da las 11:00
ord RTR Audio dals 03.03.2023.
laschar ir. Durada: 3 minutas 28 Secundas.
