Sper il dretg da dimora reglescha la cunvegna nova era ils dretgs en il sectur da l’assicuranza sociala e la renconuschientscha d’examens professiunals. Ils dretgs valan per vita duranta, dentant betg per burgais Brits e Svizzers ch’emigreschan pir suenter il termin da Brexit en tschai pajais.
La cunvegna signada oz è la tschintgavla tranter ils dus pajais. Gia avant èn vegnidas signadas cunvegnas en il sectur dal commerzi, dal traffic sin via ed aviatica, sco era en il sectur dal dretg d’assicuranzas. La fin da 2017 vivevan circa 43’000 Brits en Svizra e circa 35’000 Svizzers en Gronda Britannia. Lez onn è l’insla stada per la branscha d’export svizra il tschintgavel impurtant partenari da commerzi.
RR novitads 17:00