En cas da blessuras superfizialas, ruttadiras e stortas prescrivan medis e medias adina dapli opioids. Cunzunt en la Svizra tudestga ponssian ins constattar in cler trend, tenor in nov studi.
Ils medias e las medias crititgeschan quai. Opioids na gidian betg pli fitg ch'auters meds da dolur, fetschian dentant savens dependentas las persunas. Plinavant chaschunian els er impediments cognitivs, ipersensibilitads per dolurs e malesser.
Svizra dovra pli bler opioids ch'auters pajais
Studis pli vegls han mussà: la Svizra è sin rang quatter dals pajais che perscrivan ils pli blers opioids. I dat dentant differenzas regiunalas: en la Svizra tudestga capita quai pli savens ch'en autras parts da la Svizra.
Per il studi han ils scienziads intercurì dus milliuns pazientas e pazientas cun cas da bagatella.