Svizra - Millis purs han demonstrà a Berna cunter mesiras da spargn
Millis puras e purs or da l'entira Svizra èn sa radunads oz en il center da Berna per demonstrar cunter ils plans da spargn da la confederaziun. In lung cortegi da participantas e participants è sa rendì dal Bärengraben en direcziun Chasa federala.
Ils purs renfatschan al Cussegl federal ch'el na sa tegnia betg vi da ses pled. L'Uniun purila svizra aveva clamà a la demonstraziun e spitgava cun radund 5'000 persunas. Tenor la polizia han lura dentant bun il dubel, numnadamain 10'000 persunas fatg part a la demonstraziun.
La regenza svizra vul spargnar tar l'agricultura radund 90 milliuns francs l'auter onn, il 2017 anc ina giada 70 milliuns.
