Legenda:
Mintga quarta persuna ha stress al plaz da lavur. (maletg simbolic)
Keystone
cuntegn
Svizra - Mintga quart lavurer e stressà
En Svizra sa senta mintga quart lavurer u lavurera stressà e spussà al plaz da lavur. Quai resulta dal Job-Stress-Index 2016 che la promoziun da sanadad Svizra ha fatg communabel cun l’universitad Berna e la scol’auta per scienzas applitgadas a Turitg.
Tenor quest studi èn en Svizra 1,3 milliuns persunas pertutgadas da stress e spussada al plaz da lavur. Er chaschuna stress e la maldispostadad dals emploiads a las fatschentas custs annuals da 5,8 milliardas francs.
L’enquista è vegnida fatga tar bunamain 3'000 persunas en la vegliadetgna tranter 16 e 65 onns. Da las persunas dumandadas han 25,4% inditgà d'avair stress a la plazza da lavur, ha communitgà la promoziun da sanadad Svizra.
