Legenda:
Ils sindicats Unia e Syna renfatschan ch'ils patruns hajan mess sut squitsch ils collavuraturs.
Keystone
cuntegn
Svizra - Mintgin pretenda d’avair il sustegn dals lavurers
En la branscha da construcziun svizra marschan las tractativas per il contract da lavur collectiv sur suttascripziuns e petiziuns. Impressaris e sindicats vulan cumprovar lur pretensiuns cun suttascripziuns da lavurers da construcziun che sajan d'accord.
La societad svizra dals impressaris constructurs ha inoltrà radund 26'000 suttascripziuns tar il secretariat statal per economia Seco. Ils sindicats Unia e Syna taxeschan questas suttascripziuns sco insignifitgantas. Els renfatscha ch'ils patruns hajan mess sut squitsch ils collavuraturs e fan valair ch'ils sindicats hajan rimnà radund 30'000 suttascripziuns.
