Per persunas malsaunas èn bunas relaziuns impurtantas. Quai saja decisiv per in bun provediment da sanadad, ha Alain Berset ditg a chaschun dal Di da malsauns. «Tgi ch'è malsaun, vul vegnir prendì serius», ha il president da la Confederaziun ditg durant ses pled.
2,3 milliuns han malsognas cronicas en Svizra
Gia dapi 80 onns regordan organisaziuns durant quai di las persunas saunas vi da lur responsabladad per las malsaunas. La presidenta da l'uniun per il Di da malsauns ha manegià per quest onn: «Mintgin da nus è confruntà sez, u tar persunas ch'el u ella enconuscha, cun malsognas u impediments.» Perquai è il motto da quest onn «ensemen sin via».
Ils organisaturs dal Di dals malsauns pretendan novs models en il provediment da sanadad. Ins stoppia megliurar midadas, da las partiziuns ambulantas en las partiziuns staziunaras en l'ospital. U er midadas da la media d'uffants tar il medi da chasa.
