Legenda:
La gruppa da lavur duai chattar ina schliaziun communabla per il problem da las plazzas.
Keystone
cuntegn
Svizra - Moviment «Viandants svizzers» sa retira da gruppa da lavur
Il moviment «Viandants svizzers» sa retira da la gruppa da lavur da l'Uffizi federal per cultura davart ils pievels vagants. Sco quai ch'il moviment communitgescha, na lavuria la gruppa betg effizient.
I dettia proceduras administrativas enstagl da schliaziuns per il problem da memia paucas plazzas stablas per ils vagants.
Gia eclat il november
Gia l'emprima sesida da la gruppa da lavur dal november era finida cun in eclat. Lura aveva ina gronda part dals represchentants da las organisaziuns per vagants bandunà la sesida cun protesta.
Sin incumbensa dal Cussegl federal duai la gruppa da lavur chattar ina schliaziun communabla per il problem da las plazzas – quai fin ils 2018.
