Legenda:
Ils chantuns na duain tuttina betg avair maun liber co els vulan laschar eleger lur parlamentaris.
Keystone
cuntegn
Svizra - Na surprendent a liberalisaziun da models d'eleger chantunals
Ils chantuns na duain betg avair maun liber tar la dumonda co laschar eleger lur regenzas e parlaments. En la votaziun finala ha il Cussegl naziunal surprendentamain refusà la midada cun 103 cunter 90 vuschs.
Giavischà quai avevan ils chantuns Zug ed Uri. Finamira fiss stada ch'ils chantuns avessan survegnì dapli libertad tar la moda e maniera co els vulan eleger lur autoritads – saja quai cun maiorz, proporz u in mix.
En la votaziun finala hai uss tuttina dà in Na a la proposta. Quai munta ch'i resta il status quo ed i na dat nagina definiziun tge che duai vegnir valità pli aut: l'egualitad da mintga vusch u la libertad da mintga chantun da decider sez il sistem d'eleger.
