cuntegn
Svizra
-
Nagina emna da sport da naiv obligatorica
La Confederaziun duai sustegnair tut las mesiras per promover il sport da naiv. Il parlament na vul dentant nagina emna da sport da naiv obligatorica. Oz ha il Cussegl naziunal approvà las midadas ch’il Cussegl dals chantuns aveva proponì. La fatschenta n'era en omadus chombras betg dispitaivla.
Il Cussegl federal aveva elavurà mesiras per promover il sport da naiv, quai sin fundament d'ina moziun da Dominique de Buman, PCD/FR. Proponi ha il Cussegl federal in'emna da sport da naiv obligatorica, centers da sport da naiv federals u era uffizis da coordinaziun.
La fatschenta è pronta per la votaziun finala.
RR novitads 11:00
