Legenda:
Nagina shows da la squadriglia PC-7 da l'armada svizra a Crans Montana sco qua ils 25 da favrer 2012.
Keystone
cuntegn
Svizra - Nagina show da sgol a Crans Montana
L'incap als campiunadis mundials da skis a San Murezzan n'è anc betg sclerì ed ha er consequenzas per las curas da la cuppa mundiala en il Vallais, a Crans Montana. Il team da la PC-7 na dastga betg sgular e far ina show en l'aria cun lur eroplans.
Il cusseglier federal e parsura dal Departament federal da defensiun Guy Parmelin ha decis ch’il team da la PC-7 na vegn betg a sgular a chaschun da las cursas da la cuppa mundiala a Crans Montana.
Il motiv saja ch’in dals aviuns haja laschà sdrimar durant ils Campiunadis mundials da skis a San Murezzan ina suga da camera. La camera era crudada amez l'arrivada a Salastrains.
Blessads n’aveva quai dà nagins, l’aviun aveva pudì atterrar sin la plazza aviatica da Samedan. La giustia militara investighescha en chaussa.
