Legenda:
Nestlé ha fatg 200 milliuns francs pli pauc gudogn l'emprim mez onn cumpareglià cun l’emprim mez onn dal 2014.
Keystone
cuntegn
Svizra - Nestlé vegn franà
Nestlé è creschì pli plaun l’emprim mez onn. Suenter ch'il pli grond concern da mangiativas dal mund era anc creschì l’emprim mez onn dal 2014 per 4,7% è quel sa sminuì questa perioda sin 4,5%.
Nestlé ha stuì nudar cun 4,5 milliardas francs in zic damain gudogn l'emprim mez onn 2015 ch'anc l'onn avant. Sco quai ch'il concern svizzer scriva èn las raschuns per quest resultat il ferm franc svizzer, las schlettas fatschentas en ils novs pajais industrials ed ils problems cun tagliarins da Maggi en l'India.
Pervi da quest scandal è la svieuta da Nestlé sa reducida ils ultims 6 mais per 20% sin 42,8 milliardas francs.
