Tgi ch'è stà ordadora la unura ha schelà. La notg e la bunura èn stadas uschè fraidas sco daditg betg pli. Las temperaturas èn crudadas fin a -23,4 grads en il Neuschatel. Il record ha il servetsch meteorologic però mesirà sin la Glattalp cun -35,4 grads.
En la Bassa sut -7 grads, en las alps fin -20 grads
En bleras regiuns en la Bassa èn las temperaturas sa sbassadas sut la marca da -5 grads. La staziun da mesiraziun a l'eroport da Turitg ha registà -7,4 grads, ed a l'eroport bernais Belpmoos -7 grads. En las valladas alpinas èn las temperaturas idas giu fin -20 grads.
In «zic» pli chaud durant il di
In zic pli chaud vegn quai durant il di, din ils meteorologs. Però betg bler pli chaud che +3 grads.
RR novitads 10:00