cuntegn
Svizra
-
Notg tropica e vinavant chaud
La notg passada hai dà en bleras parts da la Svizra ina notg tropica. En las citads da Basilea, Cuira, Lucerna e Son Gagl èn las temperaturas betg idas sut 20 grads. A St. Chrischona (Basilea) n'èn las temperaturas schizunt restadas sur 24 grads, quai ha communitgà Meteonews ed SRF Meteo.
Sche la temperatura tranter las 18:00 e las 6:00 restan sur 20 grads discurran ils meteorologs d'ina notg tropica. Ils servetschs da l'aura quintan era ils proxims dis cun temperaturas fitg autas, per part creschan ellas anc pli fitg che fin qua, uschia ch'i po dar ulteriuras notgs tropicas.
RR novitads 09:00
