En il chantun Son Gagl èn ils centers per requirents d’asil plains. Uschia prevesa il chantun d’avrir en la citad da Son Gagl la fin d’avust in stabiliment dal servetsch civil che porscha plaz a 50 fin 100 fugitivs, ha communitgà la chanzlia dal chantun Son Gagl.
Dapi il zercladur han plirs chantuns stuì plazzar dapli fugitivs. En il chantun Son Gagl munta il dumber emnil a 40 enfin 50 persunas. Tenor prognosas da la Confederaziun resta il dumber da fugitivs probabel enfin la fin november sin quest nivel.
RR novitads 18:00
sda/al