Ils adversaris da la lescha han inoltrà oz a Berna las suttascripziuns per in referendum. Tenor lur indicaziuns han i rimnà var 67'000 suttascripziuns. Els averteschan che questa lescha mainia ad ina surveglianza totala. Ella muntia in grond privel per ina democrazia pluralistica.
L'allianza dals adversaris sa cumpona tranter auter da commembers da la JUSO, dals Verds e da la PS.
La nova lescha lubescha al servetsch secret federal da tadlar giu telefons, spiunar en stanzas privatas ed entrar en computers.