Siglir tar il cuntegn

Header

cuntegn

Svizra Nova organisaziun duai sclerir donns da terratrembels

Lavurar ensemen sch'i dat in terratrembel en Svizra. Quai vulan en il futur chantuns, assicuranzas privatas e las assicuranzas d'edifizis chantunalas. Per quest intent han las assicuranzas fundà l'Organisaziun da donns da terratrembels. L'onn 2023 duai quella cumenzar cun il manaschi operativ.

La nova organisaziun duai procurar suenter in terratrembel, ch'ins po cumenzar spert cun la reconstrucziun. Sulet in'organisaziun naziunala e cun bun sustegn possia reagir adequat, scriva l'Uffizi federal per la protecziun da la populaziun. Tenor l'Uffizi pudessi adina puspè dar en Svizra ferms terratrembels. Terratrembels, pandemias e stgarsezza d'electricitad èn ils pli gronds risicos da la Svizra. Custs dad in donn tras in terratrembel pon esser fin 100 milliuns francs.

audio
Per tadlar: Las novitads da las 12:00
05:10 min, RTR Audio dals 18.06.2021.
laschar ir. Durada: 05:10 minutas.

RTR novitads 12:00

Artitgels legids il pli savens

Scrollar a sanestra Scrollar a dretga