Legenda:
L’institut per la perscrutaziun da la conjunctura avertescha che lur models da quintar vegnan als cunfins tar schocs sco l’aboliziun dal curs minimal.
Keystone
cuntegn
Svizra - Observaders da la conjunctura quintan cun ina recessiun
L'aboliziun dal curs minimal saja in schoc per l'economia svizra. Perquai ha l'Institut per la perscrutaziun da la conjunctura (KOF) adattà sia prognosa.
L’institut KOF quinta uss cun ina curta recessiun durant la stad, e ch'il product naziunal brut sa sbassa per 0,5%. Il december aveva il KOF anc quintà cun in augment dal product naziunal brut per 1,9%.
La quota da dischoccupaziun pudess crescher da 3,2 sin 3,4%, ed ils pretschs crodian vinavant, scriva l'institut en ina communicaziun. Plinavant spetga il KOF ina reducziun dals exports quest onn per 1,4%.
