Il Cussegl naziunal vul scumandar l'organisaziun «Lies!» che reparta corans en diversas citads en Svizra. Uschia ha el approvà ina moziun dal cusseglier naziunal Walter Wobmann (PPS/SO).
Legenda:
L'acziun da reparter il coran «Lies!» duai vegnir scumandada.
Keystone
Per Wobmann è l’organisaziun «Lies!» ina organisaziun salafistica che stat en stretg connex cun il patratgar dschihadistic. Cun l’acziun da reparter corans veglia ella far reclama e recrutar glieud giuvna per il Dschihad, uschia Wobmann. Uschia vegnia surpassada la libertad da la religiun. Uss ha il Cussegl dals chantuns da tractar la fatschenta.
