La Confederaziun resguardia memia pauc la Svizra Orientala tar il traffic da viafier. Quai è la resposta communabla dals chantuns sin ina consultaziun naziunala. Ils set ministers da traffic dals chantuns Grischun, Son Gagl, Turgovia, Schaffusa, Glaruna, Appenzell Dadens e Dadora han preschentà lur arguments en ina conferenza da medias communabla.
La Confederaziun ha annunzià che projects d'extender il traffic da viafier vegnian spustads u stritgads. Ils represchentants dals chantuns insistan sin ils plans da bajegiar ora las colliaziuns. Pertutgada è era la Svizra franzosa. Era da là vegn critica envers la Confederaziun.
Il cusseglier guvernativ dal Grischun Mario Cavigelli ha rendì attent sin las colonnas d'auto sin l'autostrada A13. Cun meglras colliaziuns envers Cuira pudessian ils giasts midar sin il tren.
