La plievgia permanenta da la notg passada ha chaschunà inundaziuns en la Svizra orientala. En il chantun Son Gagl èn ils pumpiers stads en acziun en set vischnancas – en ils blers dals cas pervi d’aua en chasadas. Tenor indicaziuns da la polizia è cunzunt la chapitala Son Gagl stada pertutgada dad inundaziuns. Ad Amden, en il nord dal Lai Rivaun è in aual ì surora.
Tenor SRF Meteo hai dà en las ultimas 24 uras per part passa 50 millimeters plievgia. A Klöntal en il chantun Glaruna èn schizunt vegnids mesirads 73 millimeters.
RR novitads 08:00