Legenda:
I duai dar ina limita quant charn da l’exteriur che duai dastgar vegnir importà en Svizra per privats.
Keystone
cuntegn
Svizra - Parlament vul restrenscher l'import da charn per privats
Il parlament federal vul restrenscher d'importar charn per persunas privatas. Uschia vulan il Cussegl naziunal ed il Cussegl dals chantuns franar il turissem da cumpra.
La chombra gronda ha approvà ina moziun ord la chombra pitschna. Il Cussegl federal survegn l'incumbensa da francar ina limita quantitativa tranter l'import commerzial e l'import privat da charn e rauba da charn. Uschia ston gia puspè vegnir midadas las reglas che valan pir dapi la stad passada.
I saja d'avair en mira ina limita da 3 fin 5 kilos per persuna e di, ha ditg Markus Ritter, president da l'Uniun purila svizra.
