La notg passada da Halloween è la polizia da Turitg stada 130 giadas en acziun. Surtut pervi da rauba ch'è vegnida donnegiada. Tranter auter è la polizia chantunala vegnida clamada 80 giadas pervi da tartagnims vi da fatschadas cun ovs e colur. En in cas è in abitant vegnì periclità cun in cuntè. Pervi dal stgir n'èsi dentant betg cler sch'i sa tractava d'in vair cuntè u mo d'in cuntè da plastic.
La polizia da Cuira annunzia ina notg da Halloween ruassaivla senza donns.
RR novitads 12:00