Legenda:
Sch’ins parcass tut ils autos da persunas admess en Svizra in sper l'auter (4.5 milliuns) survegniss ins ina surfatscha da 57 kilometers quadrat.
Keystone
cuntegn
Svizra - Passa 6 milliuns vehichels en Svizra
ll 2017 èn stads registrads per l'emprima giada passa 6 milliuns vehichels a motor en Svizra. Quai èn 1,2% u 73'000 vehichels dapli che l'onn precedent, sco l'uffizi federal per statistica communitgescha. Il dumber dals vehichels da diesel novs è dentant sa sminuì per 10%.
Uschè paucs vehichels novs cun in motor da diesel sco il 2017, n'èn dapi il 2011 betg pli vegnids registrads. Però congualà cun il 2016 è creschì il dumber da vehichels cun motor da benzin sco era cun motor hybrid ed electric. Dals sur 6 milliuns vehichels ch'èn admess sin las vias svizras sa tracti tar trais quarts dad autos da persunas. Quai èn var 4.5 milliuns autos. Sch’ins parcass quels in dasper l’auter survegniss ins ina surfatscha da 57 kilometers quadrat. Quai è ina surfatscha pli gronda che quella dal Lai da Thun (48km2), quai scriva l’Uffizi federal da statistica.
