Legenda:
Rachetas dals separatists pro-russ han destruì chasas a Mariupol.
Reuters
cuntegn
Svizra - Per Burkhalter n'è la mort dad innocents betg acceptabla
Il cusseglier federal Didier Burkhalter condemnescha a moda vehementa las attatgas cun rachetas sin la citad ucranaisa Mariupol. La mort dad umens, dunnas ed uffants innocents saja inacceptabel, scriva il Departament federal per affars da l'exteriur.
Burkhalter è plinavant sa mussà preoccupà pervi da la nova escalaziun en l'Ucraina da l'ost. Las partidas da conflict stoppian immediat cuntinuar cun ils discurs.
Tar las attatgas sin in quartier abità en la citad Mariupol eran mortas dumengia almain 30 persunas, 100 persunas eran vegnidas blessadas.
