Siglir tar il cuntegn

Header

cuntegn

Svizra Persunas che retiran agid social han dapli problems da sanadad

Persunas che retiran agid social mussan in mender stadi da sanadad ch’il rest da la populaziun. E quai era cumpareglià cun autras persunas che han problems finanzials. A questa conclusiun vegn in studi per incumbensa da l’Uffizi federal da sanadad.

Cunzunt persunas pli veglias che survegnan agid social piteschian pli savens da malsognas cronicas che persunas medem veglias senza sustegn, scrivan las scolas autas da Berna e Turitg en lur studi.

Persunas che survegnan agid social mussian era pli savens sintoms depressivs e dovrian dapli medicaments per durmir, per sequietar e cunter il mal ed ellas consulteschian era pli savens medis e spezialistas ch'il rest da la populaziun. Il studi mussa plinavant che persunas che survegnan sustegn maglian savens memia pacs legums e fritgs, ch'ellas sa movian pli pac e che dubel uschè bleras persunas fimian mintga di sco tschella part da la populaziun. Ils auturs dal studi na sclaudan dentant betg ch'era la stigmatisaziun dal agid social ed il stress possia avair consequenzas negativas per la sanadad da quellas persunas.

audio
Per tedlar curt e cumpact
ord Novitads dals 25.08.2021. Maletg: RTR
laschar ir. Durada: 1 minuta 16 Secundas.

RTR novitads 12:00

Artitgels legids il pli savens