Legenda:
Philipp Müller (san.) e Pascale Bruderer (dre.), ils Cussegliers dals chantuns da l'Argovia.
Keystone
cuntegn
Svizra - Philipp Müller è nov cusseglier dals chantuns da l'Argovia
Il president da la Partida liberaldemocratica svizra (PLD) Philipp Müller è vegnì elegì en il chantun Argovia en il Cussegl dals chantuns. En il segund scrutini ha Müller defendì il sez encunter ses rival da la PPS Hansjörg Knecht.
Müller ha fatg 63’174 vuschs ed è uschia cusseglier dals chantuns per l’Argovia. Knecht ha fatg naufragi cun 53’824 vuschs. Nagina schanza ha gì Ruth Humbel da la PCD. Ella ha survegnì 35’909 vuschs.
PLD è dapi 1948 adina en il Cussegl dals chantuns
Philipp Müller (63) remplazza la liberaldemocrata Christine Egerszegi ch'è stada dapi il 2007 en il Cussegl dals chantuns.
La PLD da l’Argovia è represchentada dapi il 1948 senz’interrupziun en il Cussegl dals chantuns. La PPS aveva pers lur sez il 2011 a la PS.