Svizra - Poetry slam: Co discurras ti svizzer?

1 / 6

Legenda: A l’occurrenza «Linguissimo» s’inscuntran giuvenils da tut las regiuns linguisticas da la svizra. Linguissimo

2 / 6

Legenda: Ils giuvens han emprendÌ da profis da poetry slam a far ils slams. Linguissimo

3 / 6

Legenda: Per las slammadras rumantschs era Snook da la partida. Linguissimo

4 / 6

Legenda: En gruppas da dus han ils giuvens preparà ils poetry slams per il final. Mintgamai dus dad ina autra regiun linguistica. Linguissimo

5 / 6

Legenda: En il final han ils giuvenils preschentà lur poetry slam. Linguissimo

6 / 6

Legenda: Lina Camenisch da Cuira ha gudagnà il final ensemen cun Francisco Cortez dal Vallais. Linguissimo

Workshop cun profis

Durant il final da «Linguissimo» han ils giuvens emprendì d'enconuscher profis da poetry slam. Dad els han els emprendì a far ils slams per il final. Per mintga lingua da la Svizra era in profi da la partida. Per ils Rumantschs era quai Snook, per la lingua tudestga Patti Basler, per la lingua franzosa Pablo l’indomptable e per ils giuvens da lingua taliana Marko Milanidovic.

Legenda: Catarina ed Ella RTR F. Caduff

Gudagnà in amicizia

Ils finalists han fatg in slam en gruppas da dus. Mintgin da la gruppa vegniva or dad ina autra regiun linguistica. In team eran Catarina Morais da Scuol che discurra rumantsch ed Ella Pannekeet dad Nossadunnaun che discurra tudestg. Ensemen han ellas fatg in poetry slam sur da la diversitad da linguas e persunas indigenas ed estras en Svizra. Displaschaivlamain n' ha lur slam betg tanschì per vegnir sut ils emprims trais. Però ellas n' èn betg tant tristas. Per la paja han ellas gudagnà ina nova amicizia. Taidla sez sco che ellas dus han passentà il di ensemen.

Ina victura Rumantscha

Lina Camenisch da Cuira ha gudagnà il final ensemen cun Francisco Cortez dal Vallais. Els dus han fat in poetry slam cun las quatter linguas da la Svizra ed englais. Mintg’onn organisescha il «Forum Helveticum» la concurrenza linguistica «Linguissimo». Sa participar pon giuvens e giuvnas tranter 16 e 21 onns che abitan en Svizra. Quest onn era il final da la concurrenza a Cuira. Sut ils qualifitgads eran en tut 26 giuvenils. 8 da quels eran giuvnas Rumantschas. Ils victurs gudognan in viadi en ina citad da giavisch.

Qua pudais Vus udir ils poetry slams dal final

Ils giuvenils han surprais tuts cun lur poetry slams. Ni ils organisaturs ni ils profis avessan spetgà ina tala auta qualitad da texts. Ma tadlai sez.