Franà rowdys - en ils chantuns Argovia, Turitg, Zug, Sviz e Son Gagl ha la polizia arrestà 22 persunas. U ch'ellas èn stadas davos il guvergnal durant cursas da rowdys u ch'ellas han filmà talas cursas. La polizia ha traplà ils delinquents suenter analisas da film.
La procura publica ha instradà proceduras penalas cunter las 22 persunas. Ina da questas persunas è en arrest d'inquisiziun. Tar ils accusads sa tractia da persunas en la vegliadetgna tranter 18 e 37 onns.
RR novitads 12:00