En Svizra na dastga la polizia betg pli confiscar pitschnas dosas da drogas diras sco cocain, crack u heroin. Almain betg sche las drogas èn prevesidas per l'agen consum.
Questa nova regulaziun sa basa sin ina decisiun dal Tribunal federal. Quel veva decis quai per il cannabis. Ina sentenzia che vala uschia er per drogas diras illegalas, sco dus giurists spezialisads sin il dretg da meds narcotics han ditg envers la «SonntagsZeitung».
La procura publica dal chantun Son Gagl pretenda perquai ina interpretaziun naziunala da la decisiun. Quella ha il mument fixà ina limita da 2 grams cocain quai ch'è 25 lingias.
