Ils pretschs per proprietad d’abitar èn puspè s’augmentads en Svizra: Da l’avrigl fin il zercladur per 4,7%, cumpareglià cun la medema perioda da l’onn passà.
Quai ha communitgà l’Uffizi federal da statistica. Ils pretschs per chasas d’ina famiglia èn creschids pli fitg che quels per abitaziuns.
Surtut sajan las chasas en regiuns ruralas vegnidas pli charas, fertant ch’ils pretschs per abitaziuns sajan creschidas en regiuns pli populadas. Per la calculaziun ha l’Uffizi federal da statistica analisà las datas dals 26 pli gronds purschiders d’ipotecas.