Siglir tar il cuntegn

Header

cuntegn

Svizra Pretschs per spazi d'abitar creschan vinavant

Ils pretschs per spazi d'abitar creschan vinavant en Svizra. Tenor las cifras da «Swiss Real Estate Offer Index» e da l'intermediatur d'immobiglias «Immoscout 24» èn chasas vegnidas durant ils emprims 5 mais da quest onn per 6,5% pli charas. In maletg sumegliant sa mussa tar abitaziuns.

Las raschuns sajan tranter auter in pli aut basegn per spazi d'abitar – quai tranter auter per pudair far homeoffice. Plinavant procurian las consequenzas da la pandemia per l'economia per ina tema d'inflaziun. Fertant che la dumonda creschia spert, creschia la purschida mo plaun. Perquai vegnian ils pretschs per spazi d'abitar er a crescher ils proxims mais vinavant, prognostitgescha «Immoscout 24».

Tschains da locaziun

Fertant ch'ils pretschs per cumprar immobiglias èn creschids, sajan ils tschains da locaziun restads pli stabils. En bleras regiuns dettia per il mument anc ina surpurschida d'abitaziuns per prender a fit.

Ord l'archiv

Cun la pandemia da corona saja er la dumonda da segundas abitaziuns s'augmentada. Quai mussan retschertgas che RTR ha fatg l'october passà en differentas regiuns turisticas dal Grischun.

video
Corona ha er effect sin il martgà d'immobiglias
Or da Telesguard dals 27.10.2020.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga