Legenda:
Tranter mezdi e la saira cusseglia l'Uffizi federal per l'ambient da limitar las activitads corporalas e sportivas.
Keystone
cuntegn
Svizra - Privel d'incendis ed avertiment d'ozon
Cun la chalira che regia il mument en Svizra crescha er il privel d'incendis da guaud. En tschertas parts dal Grischun vala il mument in privel considerabel, quai tranter auter per las regiuns da Cuira, il Grischun Central e l'Engiadina.
Per il chantun Vallais e las regiuns enturn ils lais da Thun e Bienna annunzia l'Uffizi federal per l'ambient schizunt in privel grond. Era admonescha el da duvrar conscienziusamain il fieu en guauds ed en la vischinanza da guauds
En blers lieus è per il mument però er la valur da l'ozon surpassada. Ils chantuns en la Svizra franzosa appelleschan perquai da duvrar l'auto be nua ch'igl è propi necessari.
