Il Cussegl federal è cunter mesiras da sustegn politic-industrial en favur da la fotovoltaica. En in rapport al parlament ha il Cussegl federal scrit che la perscrutaziun en Svizra contribueschia bler al svilup da l'industria fotovoltaica sin l'entir mund. L'Europa e la Svizra sajan actualmain ferm dependents da la fotovoltaica chinaisa.
Auters stadis, sco per exempels ils Stadis unids hajan reagì sin quai cun mesiras da sustegn politic-industrial. Tenor il Departament federal per economia, furmaziun e perscrutaziun hajan questas mesiras en l'exteriur mo in effect limità per la Svizra.
Tenor in rapport da l'agentura internaziunala d'energia èn ils custs da producziun en la China 35% pli bass . Quai giaschia vi da bass custs d'energia e persunal.