Ils carstgauns sajan observads pli e pli en il spazi public. Perquai dovri novs cunfins giuridics per las autoritads da polizia, di Adrian Lobsiger, l’incumbensà federal per la protecziun da datas a la conferenza annuala a Berna.
En vista a las elecziuns federalas l’onn che vegn vul el infurmar davart l’elavuraziun da datas persunalas. Quai suenter che l'interpresa britannica Cambridge Analytica aveva malduvrà datas d’utilisaders da Facebook en la campagna per las elecziuns dal president dals Stadis Unids da l’America.
Auters secturs che han fatschentà el e ses collavuraturs èn apps da cassas da malsauns, l’identitad electronica e la surveglianza da persunas cun agid da datas biometricas.
RR novitads 12:00