Siglir tar il cuntegn
cuntegn

Svizra Svizra protegia l'ambient era en l'avegnir cun 37 milliuns ad onn

Tant il cussegl naziunal sco era oz il cussegl dals chantuns ha approvà in credit da basa per la protecziun dal ambient globala da 148 milliuns francs per ils onns 2015 e 2018.

sbuff dad in auto che va
Legenda: Il fond da protecziun global ha investì surtut en projects per reducir il gas da serra e per promover la biodiversitad. Keystone

La gronda part dals daners va en in fonds da l'ambient global. La proposta da reducir ils daners per la protecziun da l'ambient globala n’ha betg chattà ina maioritad en il cussegl dals chantuns. Ina minoritad da cussegliers dals chantuns enturn il glarunais Werner Hösli (PPS) avevan proponì da reducir il credit da 148 sin 129 milliuns francs per il 2015 fin il 2018 - pia da 37 sin bun 32 milliuns francs ad onn.

Quest fond da l'ambient global ha 181 stadis commembers ed ha dapi la fundaziun il 1991 investì en tut 13 milliardas dollars cunzunt per sbassar ils gas da serra e promover la biodiversitad.