Il departament pretendia da la Russia, dad immediat chalar da spiunar sin territori svizzer. Plinavant hajan ins rinforzà las controllas ed accreditaziuns da diplomats.
L’ambassada russa ha renvià tuttas renfatschas da la Svizra Talas intervenziuns sajan absurdas. Las reproschas sajan nagut auter ch'ina nov'emprova da agitar l'atmosfera adversaria cunter la Russia.
Labor involvì en cas dal spiun Sergej Skripal
Brisanta è la chaussa perquai ch'il labor a Spiez è involvì en il cas dal spiun russ Sergej Skripal. Quel era vegnì tissientà l'entschatta mars en Gronda Britannia. Dasper quest cas è il labor er vid examinar cas supponids da gas tissientà en Siria.
RR novitads 09:00