Siglir tar il cuntegn
Inhalt

Svizra Svizra pudess dar suttetg a 50’000 fugitivs en cas d’urgenza

En cas d'ina situaziun d'urgenza pudess la Svizra a curta vista metter sut tetg 50’000 fugitivs en implants da la protecziun civila. Quai ha ditg il minister da defensiun Ueli Maurer al discurs da caserna a Worb. Dals 150’000 plazs fissan in terz pronts aifer in curt temp.

Cusseglier federal Ueli Maurer en in implant da la protecziun civila.
Legenda: La Svizra fiss pronta: Cusseglier federal Ueli Maurer en in implant da la protecziun civila. Keystone

La situaziun fissi bain caotica e betg adattada sur plir mais. In tetg ed ina schuppa chauda pudess la Svizra dentant porscher a pliras dieschmilli persunas, ha ditg Maurer.

En in cas da crisa hajan ils chantuns cun ils implants da protecziun civila dapli pussaivladads che la confederaziun ha ditg il schef dal departement da defensiun, protecziun da la populaziun e sport.

Cun in scenari sco quai ch'igl ha dà en l'Ungaria u l'Austria na spera Maurer betg. Ins na possia però betg sclauder che la Svizra daventia in pajais da finamira aifer dis ed uras.

RR novitads 14:00