Anfang Bildergalerie
Bildergalerie überspringen
-
Bild 1 von 3. La nova bancnota da 50. Bildquelle: Keystone.
-
Bild 2 von 3. L'ultima bancnota da 50. Bildquelle: Keystone.
-
Bild 3 von 3. Bancnota da 50 dal 1976. Bildquelle: Keystone.
Ende der Bildergalerie
Zurück zum Anfang der Bildergalerie.
Element central da l'illustraziun è il vent dasper in maun ed in globus. En circulaziun va la nova bancnota ils 12 d'avrigl. Suenter la nota da 50 francs suondan lura las proximas bancnotas novas en intervals d'in mez fin in onn. Il 2019 duain tuttas bancnotas novas esser en circulaziun.
In pass pli lunsch ch'ils falsifitgaders
Las novas bancnotas sajan necessairas per che la segirezza saja garantida vinavant, uschia il president da la banca naziunala Thomas Jordan.
Pertge cun megliuraziuns tecnologicas vegnian er ils falsifitgaders megliers, uschia stoppia la banca naziunala adina esser in pass pli lunsch.
La survista:
- 2005 Concurrenza per grafichers elegida: La banca naziunala ha fatg ina concurrenza per realisar novas bancnotas da 50 francs. La concurrenza è stada sut il tema «Svizra liberala». Differents grafichers han pudì preschentar lur ideas a la concurrenza. Gudagnà ha il graficher da Turitg Manuel Krebs.
- 2007 La segund plazzada survegn l’incumbensa: Era sch'il graficher Manuel Krebs ha gudagnà la concurrenza ha la banca naziunala communitgà, che la graficra Manuela Pfrunder vegn a concepir las novas bancnotas. Ella è stada la segunda da la concurrenza. Las bancnotas duain vegnir sin il martgà il 2010.
- 2010 Retard per las novas bancnotas svizras: Las bancnotas novas da la Svizra han retard. Il termin vegn spustà sin l'onn 2012. Ils segns da segirtad stoppian anc vegnir meglierads e sviluppads.
- 2011 Ils emprims prototips: La banca naziunala producescha prototips da las bancnotas da 50 francs. Il palpiri da las bancnotas è in novum e na correspunda anc betg a las pretensiuns da la banca naziunala. Il palpiri sto vegnir svilupà vinavant.
- 2012 la segirezza na persvada: Pervi da problems tecnics ha la banca naziunala svizra spustà il termin da la seria nova da bancnotas. La banca naziunala vul para accumplir tut las mesiras da segirezza ch'èn pussaivlas sin il palpiri. Quai ha duvrà ses temp.
- 2016 la bancnota è qua: L'avrigl 2016 datti ina nova bancnota da 50 francs. In onn pli tard duai suandar la bancnota da 20 francs, sco quai che la Banca naziunala svizra communitgescha.