Legenda:
Examinads vegnan
medicaments, analisas da labor, meds ed objects sco er metodas diagnosticas e terapeuticas.
Keystone
cuntegn
Svizra - Reducir prestaziuns medicinalas senz'effect ed effizienza
La Confederaziun guarda en l'avegnir pli fitg sin la detta als medis ed als ospitals. Il niz da prestaziuns medicinalas e da tecnologias da sanadad duai vegnir controllà meglier. N'èn quellas betg effizientas, sto la cassa da malsauns betg pajar persuenter, ha decis il Cussegl federal.
La Svizra ha in provediment da sanadad d’auta qualitad. I dat dentant er bleras prestaziuns che n’èn betg effectivas u effizientas. Ellas èn part dals radund 20 pertschient dals custs da sanadad che pudessan vegnir spargnads cun dapli effizienza.
Il Cussegl federal vul perquai laschar examinar pli sistematicamain las prestaziuns medicinalas areguard lur niz. Uschia duai vegnir evità in provediment sbaglià u exagerà e meglierà la qualitad da la tgira. In emprim program da pilot fin il 2017 è gia instradà. Per quel aveva il Cussegl federal concedì l'onn passà 1,8 milliuns francs.
