Legenda:
Sche las interpresas sco las bancas dal Paradeplatz a Turitg ston pajar damain taglia, teman las citads svizras deficits fiscals.
Keystone
cuntegn
Svizra - Refurma da taglias d’interpresas mo cun garanzia da cumpensaziuns
Las citads svizras teman da perder blers daners da taglia tar la refurma da taglia d’interpresas III. Ellas pretendan uss in passus en la porposta che garantescha cumpensaziuns per deficits fiscals.
Sco l’Associaziun da las citads svizras scriva, quintan els cun sperditas da rodund 1,5 milliardas francs. La cifra sa basa sin la pretaisa, ch’ils chantuns sbassassan la taglia sin gudogn sin 15%.
Quest’emna finescha la perioda da consultaziun tar la refurma da taglia d’interpresas III.
