Legenda:
La fin da matg 2014 aveva la Juso inoltrà var 117'000 suttascripziuns per l'iniziativa.
Keystone
cuntegn
Svizra - Refusa da l'iniziativa cunter speculaziun cun nutriment
Il Cussegl dals chantuns propona da refusar l’iniziativa «Nagina speculaziun cun nutriment». L’iniziativa fetschia donn a l’economia svizra. Quai è stà il tenor en la Chombra pitschna.
L’iniziativa dals Giuvens Socialists (Juso) vul scumandar a bancas, assicuranzas e cassas da pensiun d’investir en instruments da finanzas che sa basan sin materia agrara u sin victualias. Talas speculaziuns cun nutriment sajan tranter auter responsablas per la fomaz en pajais dal terz mund.
Era il Cussegl federal propona da refusar l’iniziativa «Nagina speculaziun cun nutriment». Il Cussegl naziunal sto anc discutar l’iniziativa.
