Legenda:
Ils segiurns da students a l'ester vegnan sustegnids quest onn cun passa 22,6 milliuns francs.
Keystone
cuntegn
Svizra - Remplazzament d’Erasmus+ è dumandà
Il remplazzament per il program da scomi da students da l’UE Erasmus+ è fitg tschertgà. Cumpareglià cun l’onn avant è il dumber dals projects ch’èn vegnids approvads quest onn creschì sin tut ils secturs da furmaziun.
Tut en tut èn ils segiurns a l’ester vegnids promovids cun passa 22,6 milliuns francs, communitgescha la fundaziun per la collavuraziun federala. Uschia vegnan sustegnids maximalmain 9650 segiurns, quai ch’è 11% dapli che l’onn passà.
La raschun per quest augment vesa la fundaziun surtut tar las intschertezzas da l’onn passà ch’èn crudadas davent. Plinavant saja la schliaziun transitorica per Erasmus+ entant er enconuschenta tar ils purtaders dals projects.
